هيفاء وهبة ترثي بيروت بكلمات مؤثرة في الذكرى السنوية الأولى لإنفجار مرفأ بيروت!
نشرت النجمة اللبنانية هيفاء وهبة صورة حديثة لها وهي مرتدية فستاناً باللون الأبيض من أمام مرفأ بيروت، وحملت بيدها باقة ورود حيث ظهرت وكأنها تهديها لروح ضحايا جريمة إنفجار مرفأ بيروت في الذكرى السنوية الأولى لهذه الفاجعة.
كما أرفقت هيفاء الصورة عبر منصات التواصل الاجتماعي بتعليق تضمن كلمات مؤثرة حيث كتبت:”اليوم الذكرى الأولى لعيد موتك يالبنان، إتغير المنظر الي كنت شوفه من شرفة بيتي المطلة عليك يا مرفأ، كنت أوقف عالشرفة و شوف بيروت الحلوة ،شوف الأضوية والناس عمتتمشى مبسوطة”!
أضافت:”هلا صار المنظر جرح ..صرت شم ريحة وجع وصرخة كل شخص فقد غالي عقلبه بالانفجار ، لكل طفل ولكل شاب ولكل صبية ولإلك يا سحر.. لكم يا ملائكة بالسما بهدي وردة بيضا متل روحكم البريئة الي ما ذنبها”!!
”المنظر اتغير يابيروت..بترجاكي ارجعيلنا يا حلوة اشتقنالك..ببوس إيدَك يا لبنان قاوم جبروتهم وقسوتهم ما تروح مطرح ما بدن ياخدوك.. دخيلك يا وطنّا ما إلنا غيرك ..يا سندنا و يا ضهرنا المكسور نحنا حدّك مارح نتركك لترجع توقف عإجريك، وقلّها لبيروت الي راقدة بالعناية الفائقة نحنا واقفين برّا بس عمبيقولولنا الزيارة ممنوعة ما عمبيخلونا نفوت نطمن عليها”!
ختمت كاتبة:”اليوم لابستِلك انا ابيض يا حلوة.. لونك، لون الأمل اللي ما بدي افقده قومي اوقفي مشّي معنا نرجع لهونيك”.
يمكنكم نشر مقتطفات من المقال الحاضر، ما حده الاقصى 25% من مجموع المقال، شرط: ذكر اسم المؤلف والناشر ووضع رابط Aghani Aghani (URL) الإلكتروني الذي يحيل الى مكان مصدر المقال، تحت طائلة تطبيق احكام قانون حماية الملكية الفكرية