غرّد عدد من النجوم في لبنان بمناسبة اليوم العالمي للتمريض في 12 أيار، الذي يتزامن هذا العام مع انتشار جائحة كورونا التي فرضت على العاملين في المجال الصحي القتال في الصفوف الأمامية.

السوبر ستار راغب علامة فغرّد:" إنتوا أملنا ولو كنتوا قلال إنتوا اللي ما بتتعب همّتكن، بالصف الأول وقفتكن ، وطنّا كلّو برقبتكن، ومعلّق عليكم الآمال".

وكتبت نادين نسيب نجيم:" التمريض من أنبل المهن السامية والانسانية لارتباطها بصحة الناس وعافيتهم، تحية حب وتقدير لكل الطاقم فرداً فرداً وخصوصاً بهي الأوقات الصعبة يلي تاركين فيها اهلهم وولادهم وحياتهم وعم يسهرو على سلامة وراحة الوطن بأكمله...شكرا من القلب لـ يلي عم بساهموا بنبض القلب".

كما شاركت مايا دياب على هاشتاغ "يوم التمريض العالمي" التغريدة التالية:" في ناس مش بس اختارت التمريض مهنة، التمريض مش مهنة، هو أصلا عمل إنساني. يمكن قد ما شافوا هالناس بتتعب، أطلقوا عليه لقب مهنة. اليوم بحيي ممرضين وممرضات العالم وبخص بالشكر الممرضين والممرضات يلي عم يهتموا بأختي بالمستشفى شكرا لرسالتكم السامية يلي كلها انسانية!".