سلاف فواخرجي تتحدّث بهذه الكلمات المؤثّرة عن مسلسل "شارع شيكاغو"

سلاف فواخرجي تتحدّث بهذه الكلمات المؤثّرة عن مسلسل "شارع شيكاغو"

بعد إنتهاء تصويره وبالتزامن مع عرضه، عبّرت الممثلة السورية سلاف فواخرجي عن مدى سعادتها بتجربة تنفيذ مسلسل "شارع شيكاغو" الذي قام بتأليفه وإخراجه محمد عبد العزيز ومن إنتاج شركة قبنض.

في هذا السياق، كتبت فواخرجي منشوراً مطوّلاً حول هذا العمل الدرامي السوري جاء فيه:"الصورالجماعية اللي تصورناها بمسلسل شارع شيكاغو كتير ، دورت على صورة بتجمع الكل بدون استثناء مالقيت.. لانو هالعمل اللي انعمل بالدمعة قبل الضحكة ، وبالشقا قبل الفرح انعمل بروح الجماعة ، بإيمان الجماعة وبتتفاوت نسبة الايمان احيانا من شخص لآخر وهاد شي طبيعي".

أضافت فواخرجي :"بس بالاخر في مسلسل اخد من عمرنا وحياتنا جزء مو بسيط ولاسهل،متل كل عمل بياخد مننا. بس في اعمال تانية بتعطي مو بس بتاخد والاخدوالعطاء ابدامو مادي ، وانما تأثر وتأثير ، وفكر، ووجدان ،ومسؤولية،وكتير من الحب. ومسلسلنا شارع شيكاغو عطانا متل ماعطيناه، والمغامرة أساس بالفن ، واللي بيخاف من المغامرة بيبقى مكانه عم يرواح. انحب المسلسل او مانحب ، هو أمر خارج عن ارادتنا ورغبتنا ، بس ماحدا بيقدر ينكر انو أثر ، انو غيّر ، وانو حرك مياه راكدة ، وفتح آفاق لافكار مصبّرة ، ولقلوب متحجرة بتتمنى تحب ومو قادرة".

تابعت:"بكل الحب اللي الله عطاني ياه بقوة وانعم عليي فيه وبقدرتي عليه وبالتعبير عنه. بقول لعائلتي بمسلسل شارع شيكاغو بحبكم فردا فردا والاسماء كتيرة،وعزيزة بحترم تعبكم وشراكتكم ومحبتكم واحترامكم واخلاصكم، لأي درجة نجحنا او مانجحنا،مابعرف المهم انو اشتغلناه بضمير بايمان باخلاص وبايثار(عند الاغلبية) وبعرفان مو نكران(كمان عند الاغلبية) غامرنا بكتير مطارح بس ماخاطرنا والفرق بين المغامرة والمخاطرة بسيط،المهم يكون العقل حاضر،والهدف واضح،والمسؤولية كبيرة".

كما ختمت سلاف منشورها :"وأخيراً وليس آخراً محمد عبدالعزيز شريكي بالعمل اجتمعنا بالفكر وتجلينا بالروح وحتى الجنون كمان تشاركنا فيه بكتير من الشغف والحب سعيدة انو ايدي وايدك كانوا سوا كبداية طريق بعدنا بأوله انت وانا...".

View this post on Instagram

الصور الجماعية اللي تصورناها بمسلسل شارع شيكاغو كتيرة ، دورت على صورة بتجمع الكل بدون استثناء مالقيت. لانو هالعمل اللي انعمل بالدمعة قبل الضحكة وبالشقا قبل الفرح .. انعمل بروح الجماعة...بإيمان الجماعة... بتتفاوت نسبة الايمان احيانا من شخص لآخر ، وهاد شي طبيعي ، بس بالاخر في مسلسل اخد من عمرنا وحياتنا جزء مو بسيط ولاسهل...متل كل عمل بياخد مننا... بس في اعمال تانية بتعطي مو بس بتاخد ... والاخد والعطاء ابدا مو مادي ، وانما تأثر وتأثير ، وفكر ، ووجدان ، ومسؤولية ، وكتير من الحب... مسلسلنا شارع شيكاغو عطانا...متل ماعطيناه... لأي درجة نجحنا او مانجحنا ، مابعرف... المهم انو اشتغلناه بضمير بايمان باخلاص وبايثار ( عند الاغلبية ) وبعرفان مو نكران (كمان عند الاغلبية) غامرنا بكتير مطارح بس ماخاطرنا... والفرق بين المغامرة والمخاطرة بسيط ، المهم يكون العقل حاضر ،والهدف واضح، والمسؤولية كبيرة... والمغامرة أساس بالفن... واللي بيخاف من المغامرة بيبقى مكانه عم يرواح... انحب المسلسل او مانحب...هو أمر خارج عن ارادتنا ورغبتنا ...بس ماحدا بيقدر ينكر انو أثر ، انو غيّر ، وانو حرك مياه راكدة ، وفتح آفاق لافكار مصبّرة ، ولقلوب متحجرة بتتمنى تحب ومو قادرة... بكل الحب اللي الله عطاني ياه بقوة وانعم عليي فيه وبقدرتي عليه وبالتعبير عنه... بقول لعائلتي بمسلسل شارع شيكاغو بحبكم فردا فردا والاسماء كتيرة ، وعزيزة ... بحترم تعبكم..وشراكتكم ومحبتكم واحترامكم واخلاصكم... الفنيين العظيمين ، ترفع لكم القبعة... الفنانين الأصدقاء و الزملاء ... المقيمين او العابرين... الانتاج بأصحابه وإدارته ومنفذيه... الجزء الموسيقي الرائع اللي حكيت عنه مطولا ومابيخلص الحكي عنه... القسم الترويجي والمصوريين والصحفيين اللي كانوا معنا ووقفوا معنا بكل الحب من اول لحظة .. والجمهور اللي حبنا ودعمنا وآمن فينا... وأخيرا وليس آخرا ... محمد عبدالعزيز... شريكي بالعمل... اجتمعنا بالفكر وتجلينا بالروح وحتى الجنون كمان تشاركنا فيه بكتير من الشغف والحب... سعيدة انو ايدي وايدك كانوا سوا... كبداية طريق بعدنا بأوله انت وانا... @ranarisha7 @kabandmedia @nadinesamra @z5weyyak @ayham_kaband @salamehhossam @marlin_ shalfoun_ @mrw.lrz @ahmad_alharessi @noorkh562 @mishooalabass1 @adehosam @dialaabdalhak @waseemshibly5 @chebli_romea1 @m_ozon و شكر خاص ل @miladhannoun

A post shared by Sulaf Fawakherji سُلاف فواخرجي (@sulaffawakherji) on