"السياسة" لا تغيب عن صفحات نجوم الفن من أجل دعم الثورة اللبنانية...

"السياسة" لا تغيب عن صفحات نجوم الفن من أجل دعم الثورة اللبنانية...

باتت الحسابات الرسمية لنجوم الفن والإعلام اللبنانيّين لا تغيب عنها آرائهم السياسية بشكل يومي حيث يُعقّبون على أحداث الشارع منذ إنطلاق الثورة اللبنانية التي وصلت إلى يومها الثامن والتسعين. ومن أبرز منشورات النجوم التي ورد فيها دعمهم الكامل للثورة نستعرض الآتي:

إليسا "هيدا بلد أو غابة؟!"

لا تنفك ملكة الإحساس إليسا عن مواكبة كل التطورات المحلية لتكون من أكثر النجوم الفاعلين في التعبير عن دعمها للثورة اللبنانية، ومؤخراً سجّلت إعتراضها على الحكومة اللبنانية الجديدة، فكتبت مغرّدة:"ما عم بفهم وين راحوا الثوار؟ هلق كل الشغل اللي انعمل تا بالآخر تصير القصة إنو راضيين بحكومة لا بتشبه الثورة ولا بتمثلها ولا بتعكس اللي طالبو فيه الناس من ٣ أشهر لليوم؟ أيمتى استسلمنا؟"

كما إعترضت إليسا على أعمال الشغب حيث كتبت التغريدة التالية:"ما فينا نعيش ببلد واحد مع زعران فلتانين وزعماؤن حاميينن بيسمحو لنفسن عالطالع والنازل يعتدو عا مين ما كان كأنو الدني سايبة. يا في دولة يا ما في وعالأرجح ما في! وطبعاً ما في حدا بيتحمل مسؤولية! هيدا بلد أو غابة؟"

راغب علامة:"إذا ما حاسبوا لازم يتحاسبوا"

أما السوبر ستار راغب علامة فنشر سلسلة تغريدات نذكر منها :"حبيبتنا بيروت حماك الله يا عاصمتنا الجميلة و الجريحة ستعودين اجمل يا ست الدنيا". وفي تغريدة أخرى قال:"ثقتي_خط_أحمر ...إذا ما حاسبوا لازم يتحاسبوا".

ورد الخال:"الوزراء كلن ما عندن ثقة بحالن"

بدورها وضعت الممثلة ورد الخال منشوراً مُطوّلاً عبر انستغرام قالت فيه:"آخر رأي بكتبو عن بلدي بهالمرحلة الرمادية : الأكيد انو لبنان ما رح يوقع ، بالوقت اللي مش أكيد انو رح يوقف على اجريه..
مش تشاؤم بس واقع.. انا بطبعي متطرفة يعني يا أسوَد يا أبيض ..!
الرمادي ما بحبو لانو حل وسط .. وأنا بكل شي، بروح للآخر ... بإنفعالاتي ، بقراراتي ، بردّات فعلي ، وبمشاعري ..
الثورة غيرتني كتير ... زادتني جرأة.. أني قول عن الغلط ، مش بس وطنياً ، حتى على صعيد حياتي ، وبشغلي .. الثورة نمط حياة رح احملو وواجه فيه كلّ حدا بيكذب عليّ، مابيقدّرني، بيبتزّني ، او بيزايد عليّ بحبي لبلدي.
ملاحظة: كنت بتمنى الوزرا الجداد يكونوا حيويين اكتر، جايين وما عندن نخوة ..ما بعرف كيف بدن يشتغلوا بهالبرودة والشارع نار و ولعان..نايمين كأنو جايين غصب عنن.. وكلن ما عندن ثقة بحالن."

عمار شلق ومقولة ليونيد خلينوفسكي!

أما الممثل عمار شلق فلقد إختار مقولة للروسي ليونيد خلينوفسكي ونشرها عبر الخاصة القِصَصية عبر انستغرام تقول:" لو أن النساء حكمن العالم لما عاد هناك حروب، ولكن سيكون لدينا الكثير من الدول التي لا تتكلم مع بعضها". وذلك تعقيباً على وجود ست وزيرات في الحكومة الجديدة.

 يوسف الخال: "عم تغلي"!

إكتفى الممثل يوسف الخال بكتابة التغريدة التالية التي تحمل معاني عميقة:"في ناس دفيانة عم تتضيف مغلي وفي ناس بردانة بس هيّي عم تغلي".

هشام حداد:"الشعب اللبناني مبنّج"

سجّل الممثل ومقدّم البرامج هشام حداد إعتراضه على إحدى تصريحات وزير الطاقة والمياه الجديد حيث كتب حدّاد:"للعالم اللي عم بعلقو انو عالقليلة صادق، حدا يفسرلي شو بدنا بوزير طاقة ما بيوعدنا انو بدو يجيب الكهربا؟؟؟ شو بدو يجيب طيب؟؟؟ ليه شو وظيفتو ؟؟؟ يا خيي شو واجبو ؟؟؟؟ لشو المنصب لكن؟؟؟؟ يا عمي الشعب اللبناني مبنج تبنيجة ما بتفهم...".

منى أبو حمزة:"نحنا مكانك راوح"

كتبت مقدّمة البرامج منى أبو حمزة تغريدة تويترية جاء فيها:"طول ما نفس المايستروات الخارقة للزمن، عم يعيّنوا ويركّبوا ويتلاعبوا بأقدارنا، نحنا مكانك راوح.... ما أبشعكم بصوركم الكبيرة وإبتساماتكم العريضة وشو صرتوا مكلفين هالبلد شهدا وخسائر".