تامر حسني يقترح فكرة جديدة لمرضى ضمور العضلات

تامر حسني يقترح فكرة جديدة لمرضى ضمور العضلات

إقترح النجم المصري تامر حسني فكرة جديدة لمرضى ضمور العضلات في مصر على صفحته الخاصة عبر "إنستغرام".

في هذا الإطار، نشر تامر حسني صورةً لطفلة تعاني من هذا المرض وأرفق المنشور بتعليق كتب فيه:"يا جماعه مرض ضمور العضلات منتشر جداً في عصرنا ده ربنا يعافي الجميع تخيلوا لو مليون واحد بس من عدد سكان بلدنا العظيمه لو دفع ٣٠ جنيه بس هيساهم في احياء طفله في لحظه واحده طفله بتتعذب كل لحظه هي و اهلها ،، امنية حياتي والله العظيم دلوقتي ، يتعمل ابليكيشن تحت رعاية الدوله و تتسمى (( المليون اخ)) و تبقى على تليفونات الناس اللي هتتبرع مليون واحد هتجيلهم رساله حسب خطورة المرض و نوعه و تكلفته العامه و المطلوب منه و في سيستم يقدر يدخل بنفسه يشوف اسمه و تبرعه راح فين و ان المريض اتعالج خلاص و تجيله رساله شكراً صدقتك احيت نفس بل اسره كامله".

وأكمل تعليقه كاتباً:" .. انا كفنان جاهز لأي جهه هتتبنى الفكره دي اني اكون داعم ليها و معلن عنها لو الجهه محتاجه ليا شخصياً او لصوتي ان شالله أنزل ألم التبرعات بنفسي و اخبط على بيت بيت و ده لوجه الله و لخدمة شعبنا و اهالينا المحتاجين اللي هيشترك،،،،،،، مره هيدفع ١٠ جنيه … مره خمسه …. مره ٣٠ اقصى حاجه ٤٠ جنيه لان حقنة علاج المرض دا ب ٤٠ مليون و دي اغلى حاجه تخيلوا لما ب ٤٠ جنيه بس تنقذ روح بني آدم يعني هتدفع صدقه و هتنقذ روح و انت في بيتك و الصدقه فيها اجر عظيم تحمي نفسك بيها تحمي ولادك و كل اللي بتحبهم و تبقى صدقه جاريه في كل حياتك …. قيمة الصدقه عند ربنا كبيره اوي اوي فوق ما تتخيلوا يا جماعه متتخيلوش بتشيل عننا حاجات صعبه قد ايه لو عرفناها هنبكي فرحاً من رحمة ربنا …".

كما ختم المنشور:"يارب حد يسمعني وكدا باذن الله مش هيكون في مريض محتاج ولو عندنا مشاكل كتير في مجتمعنا آدينا بوحدتنا و بحبنا لبعض بنشيل".