توقعات الأبراج ليوم الخميس 25 تموز 2019

10:39
25-07-2019
توقعات الأبراج ليوم الخميس 25 تموز 2019

الحمل ♈

مهنياً:تحقق نجاح مهني ومالي وانت عندك طاقة بهاليوم لتكون منيح وتنجح ويكون حدسك بمحلو عم تختار صح حتى ماتوقع باي خطأ وعم تتجاوز اي عقبة موجودة قدامك .. بزيد ربحك المالي بالمقابل انت كل مازاد دخل بتزيد المصروف نتبه له شي يوم حلو في تعب بشغل بس ممكن تحقق شي مميز وتنجح وصداقات كتيرة واذا بدك تبدا اي مشروع او شراكة او لتلاقي عقار بساعدك الحظ بهاليوم ..

عاطفياً:رغم انك جذاب بيومك وعندك كامل المواصفات لتقدر تحسن وضعك العاطفي وتحل مشاكلك بس مابعرف ليش الشريك عم يدفعك نحو الأستفزاز او لتعمل شي مابدك ياه حاول لا تخلي ياخدك لمكان الي بدو ياه هو .. والبعض منيحة علاقتو وبيطلع مشوار وبقضي وقت حلو وبيعزم لشريك لمشوار ..

صحياً:يجب عليك ان تخصص وقت كافي لنوم لتريح جسمك منيح..وتعتمد برنامج غذائي متوازن..

❤غنيتك❤اليوم:ندم ..حازم الشريف

الثور ♉

مهنياً:القمر ببرجك فرصة سفر والحظ بحالفك وبترتاح نفسياً وصفحة جديدة بيومك .. طاقة ايجابية وحركة وتنقل وامورك عم تتحسن تدريجي الوقت ضيق لتنفيذ المشاريع او لدخول بجديد لهيك بدي منك تستغل عامل الوقت وتظبط امورك ولا تاكل هم نتائج لان الحظ معك لا تخاف ودقق بكل تفصيل حتى مايفوتك شي وقادر تقنع وتغير الامور لصالحك وتنجح اتصالات وسفرة قصيرة وعلاقات مميزة وممكن تنعزم او تعزم..

عاطفياً:يمكن امورك اليوم افضل ووضعك منيح وعندك فرصة بهاليوم لتصلح الامور وتتقرب وتبقى مسيطر على الوضع بس بدي منك لا تستسلم يومك مميز حضورك ساحر وانت جذاب فاستغل هاشي وممكن في حب يدق بابك ولاجواء مساعدة لارتباط جديد ..

صحياً:عم تكون قليل مروة او انت مابدك لتشتغل شي لا تخلي الكسل يسيطر عليك وضغوط تسبب ارهاق..

❤غنيتك❤اليوم:الي بعنا...راغب علامة

الجوزاء ♊

مهنياً:لا تقدم على اي حسم لانك امام يوم في تاجيل

لا تدخل بمواجهات او نقاشات عقيمة ومافي منها نتيجة ولا تفشي اسرارك لان مافي شي عم يكمل معك وامورك ماعم تنحل حتى ناس معاملتها مو منيحة او عم تعاني نفاق وكذب وماعم يجيبو غير وجع راس هدي وروق وامورك نشالله بتتحسن بالقريب العاجل ..

عاطفياً:حاول تكون متفهم للوضع ولا تتسرع بشي بهاليوم ولا تخلي تصرفاتك عشوائية وغير محسوبة نتائج .. غصة بالقلب عم تكون لانك عم تعطي اهتمامك لاشخاص غلط ونتبهلي على مشاعرك الي عم ضحي فيا وعم تحس بالوحدة هاليوم ..

صحياً:بتحس في تقلبات بجسمك وفي شي ماعم تفهمو بصحتك نتبهلي على حالك..

❤غنيتك❤اليوم:مش بالكلام .. راغب علامة

السرطان ♋

مهنياً:يوم منيح للقاءات وتتطورات ودعم ومساعدة لتوصل وتنجح .. خلص المهم بيومك ولا تأجل شي وكون دقيق بشغلك حتى ماتغلط .. بتسمع اخبار حلوة وفي تحسن عم يكون بوضعك بشكل عام اجتماعي وناس بتحبن ممكن تلتقي فين واوقات حلوة ومميزة بتقضيا مع محيطك وبين رفقاتك ..

عاطفياً:جذاب والعين عليك وضعك العاطفي احسن من قبل وبتلاقي فرق بالعاطفة هاليوم وتطورات بتدعمك والبعض بفكر بخطبة وبعض العلاقات ممكن تتطور وتصير ارتباط .. والي علاقتو متوتر يهدي سوء تفاهم عم يكبر على شي مو مستاهل ..

صحياً:رياضة سبب من اسباب بقائك بصحة جيدة وبتساعدك على تركيز ومتابعة أعمالك..

❤غنيتك❤اليوم:ناسيني ليه ...تامر حسني

الأسد ♌

مهنياً:امورك بتحسا ماعم تتطور وعم تعاني ركود بلاضافة لضغوط ومسؤوليات والحذر من ناس لحواليك ..كون حريص ودقيق بشغلك وبكلامك لانو اليوم فعلاً لازم تهتم لامورك وتكون حريص على مصالحك ولا تتسرع بشي ولا تفوت بمواجهات وتحديات وفرصة شغل او عرض ولقاء مهم او مركز..

عاطفياً:يومك متقلب بين جيد وسلبي .. بدي منك لا تكبر القصص مع الشريك ولا تتأفف وانت عاطي الشريك وجه وهاشي الو ضريبة المعاملة وضعك كتير بدو هدوء لان الاهمال والبرودة من قبل الشريك لا يحتمل وعم يتعبك كتير فكر منيح بيومك وبعلاقتك وحاول توجد حل وسط بينك وبينو .. وممكن فرصة للقاء واتصالات ..

صحياً:نتبه من الذين يثيرون غضبك والعمل الذائد فهما عاملان اساسياً في تراجع وضعك صحي..

❤غنيتك❤اليوم:نسيني دنيا..راغب علامة

العذراء ♍

مهنياً:القمر ببرج الثور يومك كتير حلو تطورات وطاقة ولقاءات مهمة وجديدة حتى عم ترتاح من ضغوط وهاشي بيعطيك راحة نفسية بتحل مشاكل وبتتلقى دعم معنوي وممكن مالي واذا ناوي سفر او مشوار كمان فيك .. يوم حلو لتفرح وتحس بشي جديد واتصالاتك بتكتر بهاليوم وممكن البعض بدي قلو مبروك على شي.

عاطفياً:استغل يومك بلعاطفة ورومنسية لانو جاذبيتك عالية وبيكتر تواصل والاعجاب وبتكون واثق بحالك.. خليك جريئ وصريح لتحل مشاكل عندك وتعمل تقارب بوجهات النظر وتقضي وقت حلو .. لا تخاف امورك منيحة وتحسن بعد فتر متعبة.

صحياً:عم تتعرض لصداع شديد وخبر صحي لحدا بخصك و نتبهلي على حالك من امراض المفاصل وبلاخص رقبة...

❤غنيتك❤اليوم:عنجد بقلك عنجد...راغب علامة

الميزان ♎

مهنياً:القمر بالثور عم ترتاح نسبياً بعد ضغط كبير كان عندك في فرص مهمة بهاليوم حاول تستغلها وفي شي ناطرو ممكن يصير واتصال ونقاش مهم بقضية ممكن تخص مال او عقار ومصالحات بيومك لا تخلي شي يأثر عليك ونتبه على وضع العائلي عندك ممكن مال يجيك هاليومين وضب ايدك ..

عاطفياً:روح جديدة بعلاقتك وبتحس قلبك بدق من جديد والعلاقة فيها نوع من راحة نسبية وفي فرصة لعودة المياه الى مجاريها هاشي كلو بدي منك تستغلو لصالحك .. ومابدي منك تندم وتتسرع بحسم رغم الغيوم الي عم تلوح بالأفق والاستفزاز وتوتر هاشي كلو بخليك توقع تحت ضغط وأرتكاب الأخطاء مابدي تفكر لقدام كتير وفكر باليوم الي عايشو ..

صحياً:مشاكلك وهمومك كفيلة في ان تبقك بوضع صحي متعب وماعم تعرف ترتاح ولا تكون خمولي

ومتكاسل..

❤غنيتك❤اليوم:حب السيطرة...ادهم نابلسي

العقرب ♏

مهنياً:نتبه على حالك هاليوم وكتير بدك تساير وتكون دبلوماسي لتقدر تمشي هاليوم بدون مشاكل وكون حذر من اي شي بدك تعملو وتجنب الصراعات ونقاشات العائلية ولا تحط حالك بمواقف محرجة وتتعرض للانتقاد يومك في اختبار لقدراتك ومدا تحمل وكيف ممكن تتجاوز توترات بهيك يوم .. روق لانو ناطرك تحسن لتدخل شغل او تم شراكة عمل وتوقع على ورقة او نقل..

عاطفياً:رغم كلشي ممكن يصير اليوم بتحس حالك مو مرتاح وفي غصة بالقلب .. شريك ماعم يفهم عليك ومابعرف ممكن من كل حبة يعمل قبة .. انت امام خيارات وحلول كتيرة مهما كان الوضع متعب تقرب من الشريك لاني بتوقع في لقاء وشريك عم يكون حدك بلقاء واتصال روق لتحسن وضعك اليوم وفرصة عند البعض ليتم خطبة ..

صحياً:امورك اليوم افضل لكن بدعيك لتمدد في ماء دافئ يريح البال ويعطي نشاط ذهني وجسدي..

❤غنيتك❤اليوم:كذبك حلووو...ميادة بسيليس.

القوس ♐

مهنياً:مافي شي بيبقى على حالو مرق هاليوم ليمر على خير حاول كتير تتحمل مسؤولياتك ويومك في شغل كتير وعم تكتر في الاتصالات ممكن في موضوع عم تناقشو او في لقاء وماعم تلحق بتحس انو كلشي عم يركض ومافيك عم تلحق كتير بحاجة انو هاليوم يخلص من كتر تعب وضغوط الي عليك بدي منك تنظم امورك وتعيد حساباتك من جديد وحاول تخلص ضروري..

عاطفياً:عم تلاقي حالك قدام وضع عاطفي مو تمام ومافي سند الك بهاليوم وعم تنصدم بالشريك وافعاله لان الأهمال عم يكون منو وهاشي عم يتعبك ومابتحس انو معك بمشاعرو واحساس بالوحدة .. بس بدي منك تعرف شي انو اي حدا مابيتمسك في تروك ايدو وقت الشدة بتعرف مين الي بحبك ومين الي مابحبك ..

صحياً:عم تكون متردد بأمور صحية لكن عليك بحسم ذلك بأستشارة أخصائي..

❤غنيتك❤اليوم:حدك الكون....ادهم نابلسي.

الجدي ♑

مهنياً:القمر وأورانوس ببرج الثور الصديق امور ايجابية طاقة وحظ وتغييرات بأوضاعك بعد ايام كتير كنت تحس حالك مضغوط وفي شي كابس على نفسك ومتعبك .. اليوم انت افضل بتحس بنشاط ومميز بتكون وثقتك بنفسك بتبلش ترجعلك مافي خوف عليك استغل هاليوم وخلص شغلك وفي وعود ونجاح بقصة ناطرها وحلول لمشاكل وفيك تشوف ناس بتحبن فرصة سفر قصير وتنقلات بيومك وعزايم ..

عاطفياً:من الايام الحلوة الي عم تتمتع فيها بجاذبية عالية وانت ساحر بحضورك وبكلشي وهاليوم من الايام لحلوة لتبدا شي جديد بعيد عن الاجواء صاخبة والمشحونة .. والمرتبط ممكن اليوم تحسن بعاطفتك وتقدم سريع غير متوقع هاشي ممكن يرجع لامور لوضعها صحيح لتحس براحة نفسية وتقضي وقت بين لقاء واتصالات وتعارف جديد ..

صحياً:عليك ان تبتعد عن اجواء العمل وتنظم وقت لترفيه وتسلية افضل لتحسن صحتك..

❤غنيتك❤اليوم:نسخة منك...ادهم نابلسي

الدلو ♒

مهنياً:قصص بتشغلك بالبيت او نقل وانت ابداً مو ناقصك مشاكل ومسؤوليات جديدة بدك تروق هاليوم لنخلص من هاضغوط وتعب الي عاملك تشويش وماعم تقدر تركز ونتبه لا تدخل بنقاشات لان ممكن تصطدم بتصرفات بعض ناس الي حواليك وممكن تواجه عدائية من البعض او نقد وبلاخص من ناحية الأهل ..

عاطفياً:عم يشغلك وضع عاطفي وعم ياخد اغلب وقتك حاول انك تهدي وتكون متفهم لان حجم ضغط العاطفي كبير وانت عم توصل لمرحلة انو عقلك ماعم يستوعب شي الي صار .. حاول تروق وتمتع بيومك وتحمل مسؤوليات وضعك العاطفي لانو مابتوقع رح يفيدك لوم بشي وندب حظك على هذا صعيد ..

صحياً:عليك بمارسة احد هواياتك ولا ضل متكاسل وحرك حالك لانو فترت الجلوس الطويل لها تبعات صحية وأهمها المفاصل وظهر..

❤غنيتك❤اليوم:أزمة ثقة...ناصيف زيتون

الحوت ♓

مهنياً:يوم بيحملك تفائل وحسم وشي جديد طاقتك ايجابية وافكارك مقنعة وفرصة حلوة ومفاجئة بتكون بحالة نفسية منيحة اكتر حرية ونشاط ودعم وممكن سفر واتصالات ويوم حلو لتكون اجتماعي بين لمة رفقات وأهل استغل هاليوم وحاول تبعد المخاوف الي ممكن تراودك لحتى ترتاح من ضغوط .. والبعض عندو شراء شي مميز او بدو يجيب هدية ..

عاطفياً:يوم مميز تعارف جديد او علاقات عابرة وممكن ترتبط بشخص يغير الوضع نحو الافضل.. والمرتبط وضعك بيتحسن رغم الوضع السيء الي كان موجود استغل هاليوم اذا عندك لقاء لتقضي وقت حلو ورومنسي مع الشريك وتتمتع بجاذبية عالية .. وحتى يمكن عندك مناسبة بتكون مميز فيها ..

صحياً:فيك تريح نفسك وتبعد عن تشنجات وتطلع مشوار مع ناس بتحبن .. وعم تاخد قرار بينك وبين حالك لتحط حد له الوضع الصحي الي الو فترة مرافقك ..

❤غنيتك❤اليوم:عطول بفكر فيك...ادهم نابلسي